Djabièrne 8 di òktober 2021 Presidente di Komishon Permanente pa Komersio Internashonal i Relashonnan Ekonómiko Internashonal, Sr. Caryl Monte, durante di un momentu seremonial a hasi entrega di e asina yamá Memorandum of Foreign Trade Regime Curaçao (MFTR) na Minister di Desaroyo Ekonómiko.
A entregá e dokumento aki na ougùstùs último na World Trade Organization (WTO) den kuadro di akseso di Kòrsou komo miembro independiente den e organisashon aki.
E MFTR ta produkto di un tim di profeshonalnan lokal di MEO, Douane i tambe ekspèrtonan riba e tereno di Komersio Internashonal i Ekonomia di paden i pafó di Gobièrnu ku a kontribuí na e kontenido bou di guia di sr. Monte. E dokumento ta duna un deskripshon amplio di Kòrsou su maneho i legislashon, komo pais outónomo, riba tur area ku ta regardá komersio (internashonal) den produkto, servisio i propiedat intelektual.
Paisnan miembro di WTO lo indiká a base di e MFTR na unda nos mester adaptá, tene kuenta i ta mas skerpi of tin ku renobá maneho o lei pa asina garantisá ku komèrsio ta transparente, hustu, étiko i balansá, esta e asina yamá level playing field.